Tərtibatçılar Amazonun İrlandiyada ilk “logistika mərkəzini” İrlandiyanın paytaxtı Dublinin kənarında, Baldonnedə tikirlər. Amazon yerli olaraq yeni sayt (amazon.ie) açmağı planlaşdırır.

IBIS World tərəfindən açıqlanan hesabatda göstərilir ki, 2019-cu ildə İrlandiyada e-ticarət satışlarının 12,9% artaraq 2,2 milyard avroya çatacağı gözlənilir. Tədqiqat şirkəti növbəti beş ildə İrlandiyanın elektron ticarət satışlarının 11,2% mürəkkəb illik artım tempi ilə artaraq 3,8 milyard avroya çatacağını proqnozlaşdırır.

Xatırladaq ki, keçən il Amazon Dublində kuryer stansiyası açmağı planlaşdırdığını bəyan etmişdi. Brexit 2020-ci ilin sonunda tam qüvvəyə minəcəyi üçün Amazon bunun Böyük Britaniyanın İrlandiya bazarı üçün logistika mərkəzi rolunu çətinləşdirəcəyini gözləyir.